Trekk til tennbrikettboks

Denne oppskrifta fann eg ein kveld eg såg litt på forskjellige bloggar. Eg har faktisk allereie strikka tre stykk, men dei to fyrste vart pakka inn før eg kom på å ta bilete av dei. Dei to andre var i grått og kvitt.

Fakta:
Garn: Alpakka soft frå Nille
Oppskrift: fann eg på denne bloggen

Nisseluer

Eg har strikka nisselue til begge ungane. 3- åringen kjem nok til å bruke si. Han prøvde ei kjøpt nisselue frå ifjor tidlegare i haust, og eg fekk beskjed om at den klødde. Ho på snart får spare si til neste år. Alt som ikkje er knytta fast vert rive av med ein gang. Nesten i allefall, eg rakk så vidt å ta nokre bilete av dei før lua for av.

Fakta:
Garn: Sandnes merino
Oppskrift: fann eg på denne bloggen. På eitt-åringen si lue la eg opp 88 maskar i staden for hundre, og strikka då berre 20 maskar før eg strikka 2 samane når eg byrja å felle.

Vottar, hue og lyslykt

Eg har fått strikka litt i det siste, sjølv om det har vore stilt på bloggen. Eg byrja å jobbe att i september, så den siste tida har vore ganske travel.
Har strikka 3 stk av denne hua, men dei to andre vart gitt vekk før eg hugsa på å ta bilete av dei.

Fakta:
Garn: Fin frå DSA
Mønster: Luer med øreklaffer av Marte Helgetun

Har også strikka ei lyslykt, mønster til den fann eg her.

Julekjole til veslejenta

Eg fekk lyst til å lage julekjolen til vesla sjølv. Såg på litt ulike kjolar,men enda opp med denne.

Fakta:

Garn: Dale Lille Lerke

Mønster: Dale garn baby nr 277

Rullegensar

I tillegg til bestefarstrøya og ribbebuksa fekk nevøen vår ein rullegensar. Var att litt brunt frå buksa, også supplerte eg med litt lyseblått. Bestefarstrøya er i størrelse 2 år og passar nok denne vinteren. Buksa kjem nok til å vare litt lengre, så rullegensaren laga eg i størrelse 4 år. Prøvde den på tre åringen vår og den passa perfekt.

Fakta;
Garn: sisu
Mønster: oppskrift frå boka"Strikk til nøstebarn"
Størrelse: 4 år

Bestefarstrøyer

I vinter ga eg vekk eit gavekort på strikka klede til barnehagestart i navnefest gåve. Mora fekk velje kva ho ville ha og kva fargar det skulle vere. Settet har eigentleg vore ferdig ei stund, men så var det trådfesting, knappar og lappar som skulle festast og det har teke si tid. Fann ut at bestefarstrøya var så fin at eg ville lage ei til junior her i huset også.

Fakta:
Garn: alt er strikka i sisu
Mønster: frå boka "Strikk til nøstebarn"
Knappane til den minste trøya er frå Snella og Petronella. Knappane til den største er kjøpt på "To damer".

Sokkar

Innimellom alle andre prosjekt har det vorte nokre sokkepar. Mamma og pappa hadde kjøpt seg garn frå Du store alpakka og eg fekk bestilling på sokkar. Då var det berre å få sokkane unna, slik at eg kunne fortsetje med andre prosjekt.

Mamma fekk marius sokkar. Mønster frå Mariusboka, strikka i Sterk frå DSA.

Pappa fekk "The autumn kozy socks for men", også strikka i Sterk frå DSA.

Mariusdress

Eg skal bli tante i september/oktober og då må eg jo sjølvsagt strikke litt. Starta fyrst på eit teppe, men innsåg ganske fort at det ikkje kom til å bli ferdig i tide. Teppe og meg er ingen god kombinasjon. Kjøpte Mariusboka og sat og bladde litt i den, så då vart det ein mariusdress som kom på pinnane.

Fakta:
Mønster: frå mariusboka
Garn: sisu
Størrelse: 6 mnd

Hekla klut med stjerne oppskrift

Eg har jo etterkvart hekla ein del oppvaskklutar, flott bil hekling og tv hekling. Her ein dag såg eg nokre fine gryteklutar som var hekla med ei stjerne på, og tenkte at dette må eg kunne gjere med klutane mine.

Sette meg ned i gårkveld og teikna mønster på stjerna. Teikna ein del stjerner før eg kom fram til det endelege mønsteret.

Har som vanleg brukt gjestdal bomullsport, stjerna er ein rest av eit eller anna bomullggarn eg hadde liggande. 

Eg starta med å hekle 46 lm. Stikk nåla ned i den 2. masken frå nåla og hekle fm tilbake. Snu med ein lm, hekle fm tilbake, men stikk nåla berre nedi bakre ledd. i den siste fm på rada stikk eg gjennom heile masken.

Eg hekla 9 rader før eg byrja med stjerne mønsteret. Når eg startar på mønsteret heklar eg 16 fm med botnfargen før eg byter farge.

Kjole til prinsessa

Den lokale garnbutikken To damer, har laga ferdige materialpakkar til ein kjole til små jenter. Livet og kanten nede på kjolen er hekla. 

Babysokkar

Som dei fleste som strikkar har eg alltid litt for mykje garn som ikkje er brukt. Har blant anna nokre nøste med babyull. Dei er fine til å lage babysokkar av. Dei går fort å lage, får brukt opp litt garn og er fint "bilstrikk".

Har strikka to par og desse har fått blå hjerteknappar som pynt.

Oppskrifta fann eg på denne bloggen. Har nokre slike par sjølv og dei vert sitjande på små sprellande føter.                     

Zaggy baggy bukse med lommer

I fjor sommar prøvde eg meg på å lage ei zaggy baggy bukse til junior. Vart ikkje heilt fornøgd med den, ribben var blant anna altfor tjukk. Men i mellomtida har eg fått trent meg litt på syinga, og har prøvd meg på buksa igjen. Har avansert litt og prøvd meg på lommer for fyrste gang. tutotial og mønster fann eg på denne bloggen.

Stoffet er kjøpt på stoff og stil.

Buksa er prøvd, brukt i dag og godkjent :) Mannen i huset var litt bekymra for at junior skulle vekse fort og at buksa vert for liten.

Sneglar

Junior på 2,5 år er ganske så interessert i sneglar. Sneglar med og utan hus vert plukka i bøtte og samla opp. Sneglane med hus vert gjerne putta i lommene, (og ja vi kan ikkje gå ut av huset i bukser som ikkje har lomme). Heldgivis for sneglane har dei stort sett "flytta" ut av huset før det vert lagt i lomma.
Eg er medlem i diverse bokklubbar og då hender det jo at ein gløymer å avbestille nokre bøker. Ei av desse bøkene var "75 fugler, sommerfugler og små dyr". I denne fann eg oppskrifta på desse to sneglane, som vart godt mottekne, eg har i tillegg fått bestilling på mykje anna frå boka. Blant anna edderkoppar, flygebiss (fluger og vepsar) og manehøne.

Havskum sokkar med magic loop

Såg eit mønster på sokkar eg hadde lyst til å strikke, og fekk tips frå naboen om eit nytt sandnes garn som heiter alpakka strømpegarn. Mjukt og godt. I tillegg var ho klar til å lære meg å strikke med magic loop. Det skal definitivt brukast på sokkestrikking framover, er så kjekt å vere ferdig med begge sokkane på same tid.

Mønsteret til sokkane finn du her.

Skulle prøve å vise korleis sokkane ser ut på baksida, men er jammen ikkje lett å ta bilete av sine eigne føter.

Halsar

Etter å ha vore innom bloggen til G-Anette, har eg tenkt ei stund på at eg skulle strikke ein slik hals. No har vi vore på ferie ei veke, og då vart desse halsane ferdige.
Halsen heiter Bandana Cowl og oppskrifta finn du her.

Eg har brukt drops nepal til halsane. På den største brukte eg pinne nr 6 (passar meg) den kvite med striper (passar junior på snart 3) brukte eg pinne nr 4,5 og den kvite brukte eg pinne nr 3,5.

Ny lue

Har for ikkje så lenge sidan fått ei ny sybok i hus, nemleg boka "Handmade". Der er det mange prosjekt eg har tenkt å prøve meg på. Først ut var endå ei lue til junior. Trur det tok meg ca 10 minutt å lage den. Den heiter då også verdas enklaste lue. Har også prøvd meg på Gurimalla sin strikketøypose frå same boka, men når ein skal bruke det ein har liggande av stoff og vliseline og ikkje les oppskrifta skikkeleg, vert heller ikkje resultatet alltid heilt bra. Så før de får sjå den må eg ut og handle litt og lese oppskrifta litt betre.

Stoffet til lua er kjøpt på stoff og stil.

Junior hadde lagt seg så då måtte mor sjølv vere modell

Bordkort til dåp

No nærmar det seg dåp, så då er det greitt å få ting ferdig. Her er bordkorta vi skal ha i dåpen. Kjøpte farga papp på panduro. Klipte ut store sirklar som eg så klipte ut eit "kakestykke" av. Så klipte eg ut hjulene, stripa dere navnet står og trykte ut hjerta. Så er alt limt på med dobbeltsidig teip. Hjerta er limt med litt tjukkare "puter".

Leiketelt og hekla matte

Rommet til junior er som tidlegare nevnt nymåla. Eg har også sydd eit leiketelt til å ha på rommet. Mønsteret og stoffet er kjøpt på stoff og stil, men eg droppa å lage vindauga som var i mønsteret. Teltet er innvia som lesetelt, og eg fekk beskjed om at han vil ha "tre stykkar".
Til å sitje på inni teltet har han fått ei matte eg har hekla av eit gammalt dynetrekk, ser etter at det er kome inn i teltet at matta må få nokre omgangar til. 
Matta er hekla med heklenål nr 10, fastmaskar rundt og auking innimellom.