Traktor gensar

Eg har i løpet av sommaren og hausten laga to traktor gensarar. Den blå er i størrelse 4 år og den kvite/rosa er i størrelse to år.

Fakta:

Mønster: Gratis mønster på Sandnes sine nettsider.

Garn: Sandnes Merinoull

Barnehagevottar

Etter flytting i sommar fann eg ut at eg har litt garn som må brukast opp. Fann litt smart garn som eg tok med på ferie og strikka barnehagevottar til begge ungane. 
Desse var veldig kjappe å strikke. Sydde på første bokstaven i namnet deira med maskesting. Fekk brukt opp to nøster med smart.
Oppskrifta fann eg her.

Mariusjakke med glidelås

No er endeleg mariusjakken til mannen ferdig! Jakken var ferdig strikka i sommarferien, men har blitt liggande ei stund. Tanken på å sy i glidelås var litt skummel, sidan eg ikkje har gjort det før. Det vart litt prøving og feiling, men det var ikkje så vanskeleg som eg trudde. 
Sydde først med maskin framme og der armane skulle vere, sydde i armane, maska saman skuldrane og strikka kant.
Deretter sydde eg fast glidelåsen for hand med to saumar på kvar side.

Lang sommarpause

Her vart det ein lang sommarpause frå blogginga. Eg har strikka, men med flytting til nytt hus, salg av hus og ferie så har det ikkje vorte tid eller overskot til blogging. Har ein del som kan visast fram, men vi får ta det litt etterkvart.
Har hekla og sydd tre dalekjolar. 2 stk i størrelse 2 år og ein i størrelse 4 år. Den eine i to år ga eg vekk før eg fekk teke bilete av den.
På den største kjolen la eg opp maskar etter størrelse 3 år, men brukte heklenål nr 3,5.

Fakta:
Mønster: dale kjole
Garn: Vipe
Stoff: kjøpt på panduro.

Clover Earflap Hat

Har ikkje heilt komme i gang att med strikkinga på mariusjakken, sidan det ikkje heilt er årstida for tjukke strikkejakker no. Har egentleg bestemt meg for at den skal få bli bilstrikk i sommar. 
Då er det mykje kjekkare å strikke småting som blir kjapt ferdig. Sat og såg litt på ulike bloggar og instagram og fann mange bilete av Clover Earflap Hat. Byrja å strikke den og fann ut at den kunne passe fint saman med bunaden til veslejenta på 17. mai.

Fakta:
Mønster: Clover Earflap Hat
Garn: Fin fra DSA

Hekla gryteklutar i vaffelmønster

Eg held på å strikke mariusjakke til mannen, det tek litt tid, så eg må ha litt småarbeid innimellom. Såg litt på nett og fann nokre gryteklutar eg fekk lyst til å prøve.
Oppskrifta fann eg her.
Eg brukte mandarin naturell og heklenål 3,5.
Kunne kanskje ha lagt opp litt fleire maskar slik at klutane hadde vorte litt større.

Flettepute

Eg har lenge tenkt å strikke pute til å ha i sofaen og no har eg endeleg fått gjort det. Fann oppskrift her. Brukte smart garn som eg hadde liggande. Fann berre 45x45 pute på butikken, den var litt stor, men fekk no stappa den inni.

Angry birds sokkar

Fekk litt inspirasjon til å strikke sokkar etter eit besøk på naboen sin blogg.
Strikka vanlege raggsokkar i barnestørrelse, og har sydd på auger med maskesting etterpå.

Sokkane er strikka i sterk. Nok ein gong er junior på 3 år mottakaren. Skal bli eit par til minstejenta og etterkvart.

Pulsvarmar til barn (oppskrift)

Eldstemann såg at eg tok på meg pulsvarmarar når vi skulle ut å leike i førre veke. Då kom bestillingen kjapt. "Eg vil ha sånn. Blå! Ikkje rosa."

Då var det berre å finne fram pinnar og garn og setje igang.

Oppskrift: (passar min 3 1/2 åring heilt perfekt)
Eg nrukte restar av sandnes merino ull.

La opp 24 maskar på pinne 3,5. Strikka 2 vridd rett, 2 vrang i ca 6 cm. Strikk glattstrikkvidare. På første omgang auka eg 6 maskar.
Strikk i ca 3,5 cm, sett dei 4 første maskane på ein tråd, legg opp 4 nye maskar over. Strikk vidare i glattstrikk i 2 cm. Strikk 1,-2 cm med 2 vridd reett og 2 vrang, fell laust av.

Ta opp dei 4 maskane på tråden og strikk opp 6 til. Desse skal bli tommel. Strikk 4 omgangar glattstrikk, deretter 2 omgangar med 1 rett 1 vrang. Fell laust av. Fest alle trådar.

Spiderman sitjeunderlag

Junior har spurt meg om eg kan strikke spiderman lue til han. Han fekk sjå på bilete på nett for å finne ut kva lue han ville ha. Medan han sa og såg, ubraut han plutseleg: "Se då mamma, den var kul, sånn vil eg ha." Han hadde funne eit spiderman sitjeunderlag. Heldigvis fann eg oppskrift så då var det berre å setje i gang. Fargen er mest nøyaktig på det øverste bilete.

 

Fakta:

Garn: Fritidsgarn

Oppskrift: fann eg på denne bloggen

Mariusdress

Har laga enno ein Mariusdress. Denne er strikka i sisu, størrelse 1 år. Oppskrift frå Marius strikkeboka.
Denne gongen brukte eg ein anna framgangsmåte på monteringa. Fann flott forklaring på framgangsmåte med bilete på denne bloggen. Kjem til å bruke den igjen om eg skal strikke fleire dressar.

Blueberry Waffel

Innimellom vert det litt sokkestrikking. Synest det er keisamt med "vanleg" raggsokkar, men gidd ikkje strikke om mønsteret vert for avansert heller. Blueberry waffelsocks kan absolutt anbefalast. Har strikka to par, og det vert fleire.

Oppskrift fann eg her.
Sokkane er strikka i Sterk frå DSA.

Monsterbukse

3-åringen måtte ha ny ullbukse til barnehagebruk. Han fekk velje mellom monsterbukse og ribbestrikka bukse og då var svaret monsterbukse. Mor jubla stille.. går mykje kjappare å strikke ei stripete monsterbukse enn desse keisame ribbene.
Har brukt same oppskrift som tidlegare, funne på denne bloggen.
Strikka buksa i Sisu.

Hals til meg sjølv

Har lenge tenkt å strikke ein hals til meg sjølv, og i juleferien gjorde eg det endeleg. Hadde to nøster med puno liggjande som eg ikkje visste kva eg skulle bruke til. Leita litt rundt etter oppskrifter. Fann til slutt ei oppskrift på eit skjerf på pickles sine sider. Strikka som skjerf, men sydde den saman tilslutt. Viss det blir fleire ville eg nok ha strikka den litt lengre, men slik vart det no når eg berre hadde to nøster og garnbutikken var langt vekk.

Oppskrift: på pickles sine sider

Lue med mønster

Mormor ynskte seg ei lue som eg har strikka før, men ho ville ha den i kvitt. Då var det jo ganske enkelt å finne ut kva ho skulle få til jul.
Lua er strikka i Drops Baby Alpaca Silk. Mønsteret fann eg her. Lua heiter "Sweet Caroline".