Hekla gryteklutar i vaffelmønster

Eg held på å strikke mariusjakke til mannen, det tek litt tid, så eg må ha litt småarbeid innimellom. Såg litt på nett og fann nokre gryteklutar eg fekk lyst til å prøve.
Oppskrifta fann eg her.
Eg brukte mandarin naturell og heklenål 3,5.
Kunne kanskje ha lagt opp litt fleire maskar slik at klutane hadde vorte litt større.

Flettepute

Eg har lenge tenkt å strikke pute til å ha i sofaen og no har eg endeleg fått gjort det. Fann oppskrift her. Brukte smart garn som eg hadde liggande. Fann berre 45x45 pute på butikken, den var litt stor, men fekk no stappa den inni.

Vottar, hue og lyslykt

Eg har fått strikka litt i det siste, sjølv om det har vore stilt på bloggen. Eg byrja å jobbe att i september, så den siste tida har vore ganske travel.
Har strikka 3 stk av denne hua, men dei to andre vart gitt vekk før eg hugsa på å ta bilete av dei.

Fakta:
Garn: Fin frå DSA
Mønster: Luer med øreklaffer av Marte Helgetun

Har også strikka ei lyslykt, mønster til den fann eg her.

Hekla klut med stjerne oppskrift

Eg har jo etterkvart hekla ein del oppvaskklutar, flott bil hekling og tv hekling. Her ein dag såg eg nokre fine gryteklutar som var hekla med ei stjerne på, og tenkte at dette må eg kunne gjere med klutane mine.

Sette meg ned i gårkveld og teikna mønster på stjerna. Teikna ein del stjerner før eg kom fram til det endelege mønsteret.

Har som vanleg brukt gjestdal bomullsport, stjerna er ein rest av eit eller anna bomullggarn eg hadde liggande. 

Eg starta med å hekle 46 lm. Stikk nåla ned i den 2. masken frå nåla og hekle fm tilbake. Snu med ein lm, hekle fm tilbake, men stikk nåla berre nedi bakre ledd. i den siste fm på rada stikk eg gjennom heile masken.

Eg hekla 9 rader før eg byrja med stjerne mønsteret. Når eg startar på mønsteret heklar eg 16 fm med botnfargen før eg byter farge.

Leiketelt og hekla matte

Rommet til junior er som tidlegare nevnt nymåla. Eg har også sydd eit leiketelt til å ha på rommet. Mønsteret og stoffet er kjøpt på stoff og stil, men eg droppa å lage vindauga som var i mønsteret. Teltet er innvia som lesetelt, og eg fekk beskjed om at han vil ha "tre stykkar".
Til å sitje på inni teltet har han fått ei matte eg har hekla av eit gammalt dynetrekk, ser etter at det er kome inn i teltet at matta må få nokre omgangar til. 
Matta er hekla med heklenål nr 10, fastmaskar rundt og auking innimellom.

Hekla sommarfuglar

Påskepynten har vore vekk ei stund, og eg har grubla på kva som skulle komme opp på greina i staden for. Har tenkt på hjerter og stjerner, men enda til slutt opp med nokre små hekla sommarfuglar.

Fakta:
Garn: Timeless Cotton 8/4 (kjøpt på stoff og stil)
Oppskrift: fann eg på denne kjekke bloggen

Har hekla nokre sommarfuglar til i sterkare fargar, men dei skal vere i ein uro som skal hengje over senga til veslesøster.

Vimplar

Denne veka har eg rydda og måla rommet til junior. Då måtte han og få noko nytt å henge på veggen. (Det har vel egentleg ikkje vore så mykje på veggane i det heile.)
Kjøpte stoffet på Stoff og Stil og har laga ei vimpelrekkje som skal henge over senga hans. Har og laga ei til veslesøster som ho skal ha over senga når ho skal flytte inn på rommet.
Kjøpte litt forskjellig stoff og hadde noko liggjande. Laga ein mal og klipte ut trekantar, som eg sydde saman rette mot rette, deretter sydde eg dei saman med band. Det vart litt mange trekantar så då vart det fire vimpelrekker. Må bestemme meg for kven dei skal ha så kjem det bilete frå rommet etterkvart.

Litt forskjellig

No er det enge sidan forrige blogg innlegg. Har fått laga ein del ting, men tida har ikkje strekt til, så har ikkje fått teke bilete av alt, og ikkje blogga nokon ting. Her kjem i allefall noko av det eg har laga i det siste.

Donut

Kjøpte eit strikkeblad på butikken (Herlig strikk nr. 1, februar 2013), og inni der fant eg nokre oppskrifter på hekla leike kaker. Har til no prøvd meg på denne, som har komme på plass på "kjøkkenet" til eldstemann.Sjølve donuten er hekla i gjestdal bomull sport, den gule og brune pynten var nokre restar eg hadde liggande.

Hekla korger

Mamma ønskte seg hekla korger til å ha på badet. Prøvde meg på nokre tidlegare i vinter, men dei vart litt små. No fann eg oppskrift på nokre litt større korger på G-Anette`s kreativiteter. Korgen er hekla i drops eskimo. Brukte to nøster til korgene.

Uglevottar

Mamma ønskte seg og kvite vottar med fletter på. Eg hadde lyst å prøve denne oppskrifta, så då vart det kvite vottar med ugle på. Mottakaren vart fornøgd og då er eg fornøgd og :) Mørke bilde tatt i full fart, og vottar som ikkje er pressa....