Flettepute

Eg har lenge tenkt å strikke pute til å ha i sofaen og no har eg endeleg fått gjort det. Fann oppskrift her. Brukte smart garn som eg hadde liggande. Fann berre 45x45 pute på butikken, den var litt stor, men fekk no stappa den inni.

Trekk til tennbrikettboks

Denne oppskrifta fann eg ein kveld eg såg litt på forskjellige bloggar. Eg har faktisk allereie strikka tre stykk, men dei to fyrste vart pakka inn før eg kom på å ta bilete av dei. Dei to andre var i grått og kvitt.

Fakta:
Garn: Alpakka soft frå Nille
Oppskrift: fann eg på denne bloggen

Vottar, hue og lyslykt

Eg har fått strikka litt i det siste, sjølv om det har vore stilt på bloggen. Eg byrja å jobbe att i september, så den siste tida har vore ganske travel.
Har strikka 3 stk av denne hua, men dei to andre vart gitt vekk før eg hugsa på å ta bilete av dei.

Fakta:
Garn: Fin frå DSA
Mønster: Luer med øreklaffer av Marte Helgetun

Har også strikka ei lyslykt, mønster til den fann eg her.

Traktorhue og litt til

Det har vorte produsert litt i påskeferien og, så her kjem noko av det som vart laga. Resten ventar på trådfesting og damping...det er så kjekt!

Sonen i huset er ganske så interessert i traktorar og påsken har i år vore i Fresvik hjå bestn, og då må me ha traktorhue, og traktoren kan ikkje vere noko anna enn raud. Når hua var ferdig fekk eg bestilling på ei til mannen og.

Mønsteret til hua fann eg på denne bloggen. Brukte drops merino extra fine på denne lua og.

Ferien var som sagt i Fresvik og i løpet av ferien tikka det inn ei bestilling på trekk til tennbrikkett bokse n frå mor i huset. Då vart det ein runde på nett for å finne oppskrift og ein tur i garnlageret for å finne passande garn. Resultatet var dette trekket.

Hovudfargen på boksen er eit nøste smart, mønsterfargane er ukjende. Mønsteret fann eg på denne bloggen.

Strikka påskeegg

Har strikka nokre påskeegg som skal pynte opp på bordet i stova. Egga har eg strikka etter denne oppskrifta. Mønsteret sydde eg på etterpå etter eige hovud.  Brukte litt forskjellig restegarn av ulik tjukkelse, så då vart det forskjellig størrelse på egga.

Tulipanar

Har vist fram dette strikke trekket før, men då som lyslykt i bryllupet vårt. Inni trekket er det eit gammalt syltetøyglas, og det kan jo fint brukast som vase og. God søndag til alle som er innom.

Godt nytt år!

Her kjem årets siste innlegg frå denne kanten. I dette innlegget er det nokre julegåver som skal bloggast.

Fyrst ut ei pute strikka i easy garn med pinne nr 15. 

Hekla også tre par med gryteklutar i drops paris. Oppskrifta fann eg her. Hekla i forskjellige fargar,men hugsa berre å ta bilete av eit av para.

Har også hekla eit par med oppvaskklutar. Deier som vanleg hekla i gjestal bomull sport.

Småstrikk

Eg har både strikka og sydd litt i det siste, men har hatt eit kamera tomt for batteri og ikkje funne ladaren. No har eg funne det gamle kameraet mitt og fått lada det opp, så då vart det litt bilete.

Fyrst ut tre korger i julestoff. Stoffet er som vanleg kjøpt på stoff og stil. Den eine har raude stjerner både inni og utanpå, ein har grøne stjerner og den siste er raud utanpå og grøn inni.

Elles har eg strikka to små luer i drops alpakka.

Oppskrifta til denne lua fann eg på denne bloggen.

 Denne lua heiter "Sweet Caroline" og eg fann oppskrifta på denne sida.

Eit par med vottar ar det også vorte. Oppsrifta er henta frå boka "Strikk til nøstebarn". Slike skal det bli fleire av, må berre ut og kjøpe meir garn fyrst.

Til slutt har eg laga nokre fleire lyslykter og pynta dei med band.

Bandet på lykta til venstre er eigentleg meir lilla enn det ser ut på bilete, men slik blir det med gamalt kamera.

Brødkorg og julestrømpe

Også denne julestrømpa har vore ferdig ei lita stund. Så var det dette med toving som har teke litt tid, men no er den ferdig.
Mønsteret fann eg i same blad som puta eg skreiv om i eit tidlegare innlegg.

Fakta:
Garn: fritidsgarn
Mønster: SandnesGarn Marius, tema 29

Har også prøvd meg på litt meir sying. Denne gongen vart det ei korg frå syboka "Made by Me". Måtte sy eit "prøveeksemplar" fyrst. Var litt for rask med klippinga, og hadde gjort feil, så den måtte eg berre forkaste. Men denne gongen gjekk det mykje lettare og raskare. Blir nok fleire av desse. Har kjøpt noko julestoff på stoff og stil som eg har tenkt å prøve ut på korgen og.

Stoffet til denne korga er også kjøpt på stoff og stil.

Julestrømpe

Har litt tidlegare i haust strikka ei julestrømpe med tjukt garn og tjukke pinnar. I helga vart den endeleg tova og fekk litt pynt på seg. Så no er den klar for blogging.

Til strømpa brukte eg to nøster med fritidsgarn. Oppskrifta fann eg på denne bloggen.

Marius pute

På forrige strikkekveld på To damer, kjøpte eg meg eit hefte med diverse Marius mønster i. Fyrste på pinnane derifrå vart ei Marius pute. 
På bilde har trekket fått plass utanpå ei sofapute, såeg må ut og  kjøpe ei pute før eg kan sy att i botnen og den er heilt ferdig. Har også fått mg merkelappar til å sy på det eg lagar.

Fakta: 

Mønster: Sandnesgarn Marius

Garn: strikka med dobbel tråd sisu

Julepynt

Såg for ei tid sidan ein link som To damer hadde lagt ut, med oppskrift på lyslykt. Fann ut at det måtte prøvast, og kjøpte inn garn. Mønsteret var enkelt og lykta vart laga på ei lita kveldsstund.

Har tenkt å ha eit lilla band på lykta, men var dette eg hadde i skuffene akkurat no.

Fakta:

Mønster: på Ravelry

Garn: Lille lerke

Band kjøpt på stoff og stil (trur eg, er ei stund sidan det vart kjøpt)

Meir kjøkkenklutar

Mitt i bryllupsførebuingar og gjennomføring har det ikkje vore tid til så mykje hobby, men litt har det vorte. Har hekla nokre fleire kjøkkenklutar, arbeid som ikkje krev noko spesielt tankevirksomheit.

Fakta:
Garn: Gjestdal bomull sport
Nål: 3,5
Legg opp ca 40-45 luftmaskar, og hekle fastmaskar i bakerste ledd til nøstet er brukt opp.

Bryllupspynt

Har dei siste vekene halde på med å strikkebryllupspynt. Har ei eit tidlegare innlegg vist eit  eksemplar. No har det vorte fleire og ei eit anna garn.
Har til no strikka "trekk" til åtte  glas, men har enno ein ladning med tomme glas att før eg er ferdig.

Kjøkkenklutar

Har fått laga meg nokre kjøkkenklutar innimellom dei andre prosjekta mine. Fint arbeid å ha når vi køyrer bil. Den siste kluten vart til nåre var på strikkekafe for  fyrste gang i i går kveld. Var med naboen på strikkekafe på To damer i Florvåg.

Fakta:

Mørkeblå: hekla i gjestal bomull sport med heklenål 3,5. La opp eit passe antal luftmaskar og hekla fm i bakre ledd til nøstet var brukt opp.

Lyseblå: Den i midten er strikka, 1. p, 1 rett 1 vrang, 2. p, rett, den andre er hekla slik som den mørkeblå. Begge dei to lyseblå er hekla i mandarin petit.