Vognpose

Har strikka ein vognpose til veslejenta som kjem i januar. Starta på den før vi visste om det var jente eller gut, så har tenkt å pynte den litt. Det får komme etterkvart.

Blei dårlege bilete, men dette var dei beste...

Fakta:

Mønster: Lanett baby (sandnes garn) 1013 0-4 år

Garn: lanette

Klinkekul kjole

Sydilla tok  meg litt i ferien, så når eg kom heim att bar det rett ut for å kjøpe meg ei symaskin. Fyrste produkt laga på maskina er ein kjole til meg sjølv. Mønsteret har eg henta frå boka "Made by me", som er ei bok der forskjellige bloggarar har bidrege med oppskrifter/mønster.
Kjolen eg har laga heiter sukkertøykjole a la klinkekult.

Kjolen er størrelse medium, men eg laga overdelen litt større enn mønsteret. 

Stoff kjøpt på stoff og stil.

Blå sokkar

Her kjem endå eit par med baby sokkar. Blå denne gongen, til ein liten gut som kjem i september/oktober :)

Oppskrifta er som før funne her. Også denne gongen har eg brukt Dale baby ull.

Baby sokkar

Har strikka eit par av desse før som vart gitt vekk i gave. Har no strikka eit nytt par til ein/ei som kjem i januar :)
Kjappe og enkle sokkar å strikke, og gode å bruke.

Oppskrifta fann eg her. 

Til desse sokkane har eg brukt Dale babygarn.

Huer og panneband

Har sydd litt i dag og. Har starta på nokre nye pungar, men manglar glidelås. Då var det å gå over til neste prosjekt, huer til mini. Når huene var ferdige kom det ynskje frå mannen om panneband til syklinga. Så då var det berre å setje i gang med det og:)


Stoffet til desse er også frå Stoff og Stil.

Zaggy baggy bukser og ein myntpung til

Buksa som eg skreiv om i går, heng framleis til tørk, men eg laga ei til i dag, den er populær hjå mini. Har også laga ein sminkepung/myntpung til. Neste innkjøp vert nok ei symaskin. Var kjekt dette:)




Mønsteret til buksa fann eg på denne bloggen. Stoffet er frå Stoff og Stil.

Har brukt symaskina att

Som lærar har eg lang ferie, og no er vi på ferie heime hjå ho mor. Då har eg nytta anledningen til å låne symaskina. Har laga ei bukse til mini, den vart teken i bruk med ein gang men uten bleie, så bilde kjem når den er vaska og tørka.


I kveld har eg langa ein liten sminkepung/pengepung. Oppskrifta eg har brukt fann eg på denne bloggen. Stoffet som er brukt har eg kjøpt på Stoff og Stil.