Baby sokkar

Har strikka eit par av desse før som vart gitt vekk i gave. Har no strikka eit nytt par til ein/ei som kjem i januar :)
Kjappe og enkle sokkar å strikke, og gode å bruke.

Oppskrifta fann eg her. 

Til desse sokkane har eg brukt Dale babygarn.

Huer og panneband

Har sydd litt i dag og. Har starta på nokre nye pungar, men manglar glidelås. Då var det å gå over til neste prosjekt, huer til mini. Når huene var ferdige kom det ynskje frå mannen om panneband til syklinga. Så då var det berre å setje i gang med det og:)


Stoffet til desse er også frå Stoff og Stil.

Zaggy baggy bukser og ein myntpung til

Buksa som eg skreiv om i går, heng framleis til tørk, men eg laga ei til i dag, den er populær hjå mini. Har også laga ein sminkepung/myntpung til. Neste innkjøp vert nok ei symaskin. Var kjekt dette:)




Mønsteret til buksa fann eg på denne bloggen. Stoffet er frå Stoff og Stil.

Har brukt symaskina att

Som lærar har eg lang ferie, og no er vi på ferie heime hjå ho mor. Då har eg nytta anledningen til å låne symaskina. Har laga ei bukse til mini, den vart teken i bruk med ein gang men uten bleie, så bilde kjem når den er vaska og tørka.


I kveld har eg langa ein liten sminkepung/pengepung. Oppskrifta eg har brukt fann eg på denne bloggen. Stoffet som er brukt har eg kjøpt på Stoff og Stil.

Så min kjole

Har også fått tid til å gjere ferdig ein liten kjole. Den var nesten ferdig, også oppdaga eg at den var altfor vid, og måtte ta opp igjen over halvparten. Der fekk eg igjen for å ikkje strikke prøvelapp. Men er ikkje alltid eg og oppskriftene til dale er heilt eining. Fann ut at eg hadde hatt same problemet tidlegare med ei anna oppskrift i same heftet.

Fakta:

Garn: Dale baby ull

Mønster: Strikkedesign til baby nr 210

Meir kjøkkenklutar

Mitt i bryllupsførebuingar og gjennomføring har det ikkje vore tid til så mykje hobby, men litt har det vorte. Har hekla nokre fleire kjøkkenklutar, arbeid som ikkje krev noko spesielt tankevirksomheit.

Fakta:
Garn: Gjestdal bomull sport
Nål: 3,5
Legg opp ca 40-45 luftmaskar, og hekle fastmaskar i bakerste ledd til nøstet er brukt opp.

Bryllupspynt

Har dei siste vekene halde på med å strikkebryllupspynt. Har ei eit tidlegare innlegg vist eit  eksemplar. No har det vorte fleire og ei eit anna garn.
Har til no strikka "trekk" til åtte  glas, men har enno ein ladning med tomme glas att før eg er ferdig.