Kveldens prosjekt

Har ei stund tenkt på at eg skulle prøve å sy ei veske. Har leita litt rundt på nettet etter ei enkel og grei oppskrift. Eg enda til slutt opp med denne veska.

Oppskrifta fann eg på denne sida. Den engelske oppskrifta var ikkje så vanskeleg å forstå, og med litt hjelp av youtube videoen tok det ikkje så lang tid heller.

Småstrikk

Eg har både strikka og sydd litt i det siste, men har hatt eit kamera tomt for batteri og ikkje funne ladaren. No har eg funne det gamle kameraet mitt og fått lada det opp, så då vart det litt bilete.

Fyrst ut tre korger i julestoff. Stoffet er som vanleg kjøpt på stoff og stil. Den eine har raude stjerner både inni og utanpå, ein har grøne stjerner og den siste er raud utanpå og grøn inni.

Elles har eg strikka to små luer i drops alpakka.

Oppskrifta til denne lua fann eg på denne bloggen.

 Denne lua heiter "Sweet Caroline" og eg fann oppskrifta på denne sida.

Eit par med vottar ar det også vorte. Oppsrifta er henta frå boka "Strikk til nøstebarn". Slike skal det bli fleire av, må berre ut og kjøpe meir garn fyrst.

Til slutt har eg laga nokre fleire lyslykter og pynta dei med band.

Bandet på lykta til venstre er eigentleg meir lilla enn det ser ut på bilete, men slik blir det med gamalt kamera.

Brødkorg og julestrømpe

Også denne julestrømpa har vore ferdig ei lita stund. Så var det dette med toving som har teke litt tid, men no er den ferdig.
Mønsteret fann eg i same blad som puta eg skreiv om i eit tidlegare innlegg.

Fakta:
Garn: fritidsgarn
Mønster: SandnesGarn Marius, tema 29

Har også prøvd meg på litt meir sying. Denne gongen vart det ei korg frå syboka "Made by Me". Måtte sy eit "prøveeksemplar" fyrst. Var litt for rask med klippinga, og hadde gjort feil, så den måtte eg berre forkaste. Men denne gongen gjekk det mykje lettare og raskare. Blir nok fleire av desse. Har kjøpt noko julestoff på stoff og stil som eg har tenkt å prøve ut på korgen og.

Stoffet til denne korga er også kjøpt på stoff og stil.

Monsterbukse

Har laga ei ny monsterbukse, jentefargar denne gongen.

Mønster er som før frå denne bloggen. Har strikka i sisu, på pinne 2,5.

Julestrømpe

Har litt tidlegare i haust strikka ei julestrømpe med tjukt garn og tjukke pinnar. I helga vart den endeleg tova og fekk litt pynt på seg. Så no er den klar for blogging.

Til strømpa brukte eg to nøster med fritidsgarn. Oppskrifta fann eg på denne bloggen.

Arne & Carlos lue til mannen

Har vore ute og leika med minstemann dei siste dagane, og kjenner at det har vorte kaldare ute. Mannen i huset har ikkje/fann ikkje hua si. Så på strikkekvelden på To damer i går leita eg fram eit Arne og Carlos lue mønster.

Mønsteret heiter "Lue med Space Invader-mønster",og er laga for Dale Garn. I oppskrifta er det brukt Freestyle, men eg prøvde eit nytt garn som heiter Cotinga.

Dress til tanteguten

Har fått ein tantegut no i haust, og då må han sjølvsagt få noko heimestrikka. Oppskrifta til dressen fann eg her. Brukte Babysilk frå du store alpakka, i staden for garnet som står i oppskrifta etter tips frå butikken, om at garnet i oppskrifta har lett for å bli nuppete.
Har strikka dressen i størrelse 6 mnd, slik at han kan bruke den i vinter.